好像開始感到他對我的緊張和不捨。
「你記住寫低你英國個地址俾我呀!寫清楚d呀，唔好寫潦草，我唔識睇呀!
0拿......最好就寫埋0向信封時要點寫點寫......」他囉囉唆唆，緊張地說。
「咁我寫定個靚靚信封俾你好未?貼埋個郵票添啦!」我笑著回答。
「喂，都好喎...0拿唔使...你每次寫信番黎時就連埋個回郵信封俾我，咁咪得囉!」他很有趣地回答。
「喂!咁我唔寫信俾你，你唔寫信俾我
0家?」緊張加開玩笑語調問。
「寫.....!咁你寄定多幾個回郵信封俾我咪得囉!」他笑道。
探討完聯絡的方法後，我們便談到他與我farewell的晚飯安排。
「喂，去邊度食呀?你拿主意呀!」我笑著，一副滿不關心的樣子地問。
「我煮飯你食好無?」他彷彿說笑，但溫柔地問。
我聽到後真的感到很甜。
甜是因為有一個他願意為自己下廚，不論他說謊，還是只是隨口說的一句，但感覺是美麗的。
甜也是因為這句話出自他的口，而不是其他人。
「你煮?你識唔識呀?」我開心而帶好奇地問。
「梗係識啦!成日都自己攪掂0家啦!唔係信唔過我呀?」他很真實地說。
「咁0係邊呀?你屋企呀??」我真的想知。
「係啦，我屋企啦!」他仍是肯定地說。
「車...你阿爸阿媽0向屋企，邊得呢?」我真的不明白，因為實在太難想像這是個甚麼的情景。
「哈...咩呀，你驚呀?有咩問題呀!!」他佻皮而帶challenge的語調地問。
「下...咁怪...」我真的覺得很怪
我們並沒有得出結論。
可能這只是一個笑話，又可能他真的會安排，但我已很滿足，很幸福。
他曾說:「你係一個好易哄女仔。」
他這句話出於四年前，動機並不是要貶低我，反是替當時的我不值。
只因那時的男朋友待我不夠好。他為我自己辯護，解釋不是我的問題。
我承認我真的易哄，可能簡單至上面的一個笑話，已使我滿足。
假如上面的話成真，可能很多事情也有機會改寫。
但一個理智的人，總不會幹多餘的事來惹人惴惻的。
無論實現會否，對他和我日後的來往也多了一點的信心。
「你一定唔會唔記得我0既.....」他好肯定而且帶點驕傲和輕佻地說。
「我梗係唔會啦!你唔好唔記得我先好呀!」我緊張地笑說。
其實我相信大家也不會忘記大家，因為我們經歷過實在太多。
我們未有開始，所以沒有結束。
沒有留言:
發佈留言